Maa

Ishwar ne sansaar banaya,
Uss sansar mein insaan ko basaya,
Usmein se ek charitra ko maa batlaya,
Naam uske anek sikhaya,
Kabhi maiya, kabhi mumma, kabhi maa bulwaya,
Naa jaane kya kya usse nahi sikhlaya,
Grahasthi kya kam thi jo usse mamta ka bhi zimmedar banaya,
Har bhumika mein usse nipun dikhlaya,
Ishwar ne na jaane usse kya kya karwaya!!
Dard mein bhi jisse khushi ke aansu rulaya,
Uss maa ne apno bacho ko sirf pyaar se nahlaya,
Sardi mein jiski mamta ne garm rakhaya,
Uske aanchal ne har saaye se bachaya,
Ishwar ne na jaane usse kya kya karwaya!!

Samay ko viraam mila, kabhi bura, kabhi acha ka anudesh mila,
Rituon ko bhi kaam ka bhaag mila,
Kya kisini apni maa se pucha usse kab aaram mila?

Aur Jisne bhi pucha, usse yeh jawab mila

Jab jab tu muskuraya
Naadan chote haathon se meri ungliyon ko dabaya
Masumiyat se mujhe rijhaya
Bhar pet mere banaye parathe khaya
School se aake mujhe gale lagaya
Apne sar ko mere saamne jhukaya
Meri daant aur maar ko seene se na lagaya
Garv se mera kad badhaya

Tab tab mujhe aaram mila.
Tab tab mujhe aaram mila.
Ishwar ne bhi kya khoob, Maa ko banaya!!